Lyrics

HUSSAIN KA HAI YE ARBAEEN 

HAI MATAMI SAB FALAK NASHI

1.RIHA JO AHLE HARAM HUWE DILO ME TAAZA WO GHUM HUWE 

   HAI YAAD JO JO SITAM HUWE THAME NA ANSOO NA KAM HUWE

   KISI ME ZABTE FUGHAAN NAHI HUSSAIN KA HAI ARBAEEN

2.YE BINTE ZEHRA KE BAYEN THE TADAP KE KEHTI THI BHAI SE

    KAHAN HAI WO PASBAAN MERE BEHAN SADA DE TOU KISKU DE

    NAHI NAHI AB KOI NAHI HUSSAIN KA HAI ARBAEEN

3.BHULAYE KAISE USE BHALA WO ZULM BIMAAR PER HUWA

   LUTA MADINE KA QAFILA NAZAR ME MANZAR THA REH GAYA

   KAHIN PE LASHE THE SAR KAHIN HUSSAIN KA HAI ARBAEEN

4.NASEEB AISE BIGHAD GAYE NA BHAI HAI NA PISAR 

   NA HUMSHABIHAY NABI RAHE JIYE TOU PHIR KISTARHA JIYE

   ASEERE GHUM ZAINAB E HAZI HUSSAIN KA HAI ARBAEEN

5.KHUDA KE DEEN KO MILI BAQA ALI VEERAN GHAR HUWA 

   HUWI HAI ABAAD KARBALA SITAM YE UMMAT NE KARDIYA 

   MAKAAN RAHE NA RAHE MAKEEN HUSSAIN KA HAI ARBAEEN

6.BEHAN KI DEKHI JO BEKASI HUSSAIN KI QABR HILGAYI

   YEH KEHKE ZAINAB TADAP UTHI SUNAYE KYA KYA YE DIL JALI

   SAKINA ZINDAAN ME REH GAYI HUSSAIN KA HAI ARBAEEN

7.TUMHARA MARNA SITAM HUWA ZAMANA EK DAM BADAL GAYA 

   AYE MERE ABBAS E BAWAFA RASAN KA AUR BERIDAYI KA

   BEHAN KO HARGIZ NA THA YAKEEN HUSSAIN KA HAI ARBAEEN 

8.KHALAM YE SADIQ KA KYA RUKA FIZA ME NOUHA BIKHAR GAYA

   RAWA HAI ASHKAU KE QAFILE HAI ARSH ZAINAB KE BAYEN SE 

   LARAZTE HAI ASAMAAN ZAMEEN HUSSAIN KA HAI ARBAEEN